20 - 26 Setyembre 2015

Daily Gospel Sa Isang Buong Linggo


“Hindi ang malulusog ang nangangailangan ng doktor kundi ang mga maysakit!” (Mateo 9:12)

20 Set
21 Set
22 Set
23 Set
24 Set
25 Set
26 Set


20 Setyembre 2015
Ika-25 Linggo sa Karaniwang Panahon
(Unang Pagbasa: Karunungan 2:12.17-20; Salmo: Awit 54:3-4. 5. 6-8; Ikalawang Pagbasa: Santiago 3:16-4:3; Mabuting Balita: Marcos 9:30-37)


“Ang sinumang nagnanais maging una ay dapat maging huli sa lahat, at maging lingkod ng lahat.” (Marcos 9:35)

San Mateo
21 Setyembre 2015
Unang Pagbasa: Efeso 4:1-13; Salmo: Awit 19:2-5;
Mabuting Balita: Mateo 9:9-13

9 Sa paglalakad ni Jesus, nakita niya ang isang lalaking nagngangalang Mateo na nakaupo sa singilan ng buwis at sinabi niya rito: “Sumunod ka sa akin.” At tumayo si Mateo at sinundan siya. 10 At habang nasa hapag si Jesus sa bahay ni Mateo, maraming tagasingil ng buwis at iba pang makasalanan ang lumapit at nakisalo kay Jesus at sa kanyang mga alagad. 11 Nang makita ito ng mga Pariseo, tinanong nila ang kanyang mga alagad: “Bakit kumakaing kasama ng mga makasalanan at maniningil ng buwis ang inyong guro?”

12 Nang marinig ito ni Jesus, sinabi niya: “Hindi ang malulusog ang nangangailangan ng doktor kundi ang mga maysakit! 13 Sige, matutuhan sana ninyo ang kahulugan ng ‘Awa ang gusto ko, hindi handog.’  Hindi ako pumarito para tawagin ang mabubuti kundi ang mga makasalanan.” 


22 Setyembre 2015
Unang Pagbasa: Esdras 6:7-20; Salmo: Awit 122:1-5;
Mabuting Balita: Lucas 8:19-21

19 Pinuntahan naman siya ng kanyang ina at mga kapatid pero hindi sila makalapit sa kanya dahil sa dami ng tao. 20 May nagsabi sa kanya: “Nakatayo sa labas ang iyong ina at mga kapatid, at gusto kang makita.” 21 Sumagot siya at sinabi sa kanila: “Ang mga nakikinig sa salita ng Diyos at nagsasagawa nito, sila ang aking ina at aking mga kapatid.”


San Pio ng Pietrelcina
23 Setyembre 2015
Unang Pagbasa: Esdras 9:5-9; Salmo: Tobias 13:2-8;
Mabuting Balita: Lucas 9:1-6

1 Tinawag ni Jesus ang Labindalawa at binigyan sila ng lakas at kapangyarihan para supilin ang lahat ng demonyo at magpagaling ng mga sakit. 2 Sinugo niya sila para ipahayag ang kaharian ng Diyos at magbigay-lunas.

3 Sinabi niya sa kanila: “Huwag kayong magdala ng anuman sa inyong paglakad, ni tungkod, ni supot, ni tinapay, ni salapi; huwag kayong magkaroon ng tigalwang bihisan. 4 Sa alinmang bahay kayo nakituloy, doon kayo tumigil hanggang sa pag-alis ninyo. 5 Kung may hindi tatanggap sa inyo, umalis kayo sa bayang iyon at ipagpag ang alikabok sa inyong mga paa bilang sakdal laban sa kanila.”

6 Kaya nga lumabas sila at dumaan sa lahat ng bayan na nangangaral at nagpapagaling saanman.


24 Setyembre 2015
Unang Pagbasa: Ageo 1:1-8; Salmo: Awit 149:1-9;
Mabuting Balita: Lucas 9:7-9

7 Nabalitaan naman ng tetrarkang si Herodes ang lahat ng pangyayaring ito at litung-lito siya dahil may nagsasabing nabuhay mula sa mga patay si Juan. 8 Sinabi naman ng iba na nagpakita si Elias, at ng iba pa na isa sa mga propeta noon ang bumangon. 9 At sinabi ni Herodes: “Pinapugutan ko si Juan; sino nga kaya itong nababalitaan kong gumagawa ng mga iyon?” Kaya sinikap niyang makita siya.


25 Setyembre 2015
Unang Pagbasa: Ageo2:1-9; Salmo: Awit 43:1-4;
Mabuting Balita: Lucas 9:18-22

18 Minsan, mag-isang nagdarasal si Jesus at naroon din ang mga alagad. Tinanong niya sila: “Sino raw ako ayon sa sabi ng mga tao?” 19 Sumagot sila: “Si Juan Bautista raw; may iba namang nagsasabing ikaw si Elias at may iba pang nagsasabi na isang propeta noong una ang nabuhay.”

20 At sinabi ni Jesus sa kanila: “Ano naman ang sinasabi ninyo kung sino ako?” Sumagot si Pedro: “Ang Mesiyas ng Diyos.” 21 At inutusan sila ni Jesus na huwag sabihin ito kaninuman.

22 Sinabi nga ni Jesus: “Kailangang magtiis ng marami ang Anak ng Tao. Itatakwil nga siya ng mga Matatanda ng bayan, ng mga punong-pari at ng mga guro ng Batas. Papatayin siya at muling babangon sa ikatlong araw.”


San Cosmas at San Damian
26 Setyembre 2015
Unang Pagbasa: Zacarias 2:5-9; Salmo: Jeremias 31:10-13;
Mabuting Balita: Lucas 9:43-45

43 Lubos na namangha ang lahat dahil sa kadakilaan ng Diyos.

Nang lubos na nagtataka ang lahat dahil sa mga ginagawa ni Jesus, sinabi ni Jesus sa kanyang mga alagad: 44 “Itanim ninyong mabuti sa inyong pandinig ang mga kataga kong ito: ibibigay ang Anak ng Tao sa kamay ng mga tao.” 45 Hindi nila naintindihan ang pahayag na ito at nalingid ito sa kanila upang hindi nila maunawaan. At takot naman silang magtanong sa kanya tungkol sa pahayag na ito.

20 Set
21 Set
22 Set
23 Set
24 Set
25 Set
26 Set

Mga Rekomendadong Posts:

20 Agosto - Ika-20 Linggo
sa Karaniwang Panahon
20 Agosto 2017 -
Keys To A Miracle?
20 - 26 Agosto 2017
.
13 Agosto 2017
.

Sa Isa Pang Sulyap Newsletter (PDF):

20 Agosto
2017
13 Agosto
2017
06 Agosto
2017
30 Hulyo
2017