Ika-21 Linggo sa Karaniwang Panahon (A)
Ebanghelyo At Mga Pagbasa
Sinabi ng Panginoon kay Sabnang katiwala sa palasyo: “Aalisin kita sa iyong katungkulan, at palalayasin sa iyong kinalalagyan.
Tatawagin ko sa araw na iyon ang aking lingkod, si Eliaquim na anak ni Helcias. Siya ang pagsusuutin ko ng iyong buong kasuutan, ibibigay ko sa kanya ang iyong kapangyarihan, siya ang magiging pinakaama ng Jerusalem at ng Juda. Ibibigay ko sa kanya ang susi ng bahay ni David; ang kanyang buksa’y walang makapagsasara, at walang makapagbubukas ng ipininid niya. Itatayo ko siyang parang haligi ng tolda, itatayo ko nang matibay sa isang matatag na lugar, at siya’y magiging marangal na luklukan, para sa sambahayan ng kanyang ama.”
Salmo: Awit 137
Tugon: Pag-ibig mo’y di kukupas,
gawain mo’y magaganap!
Ako, Poon, buong pusong aawit ng pasalamat,
sa harap ng mga anghel, pupurihin kitang ganap.
Sa harap ng iyong templo ay yuyuko at gagalang,
pupurihin kita roon, pupurihin ang ‘yong ngalan.
Dahilan sa pag-ibig mo at sa iyong katapatan,
ikaw’y tunay na dakila, pati iyong kautusan.
Noong ako ay tumawag, tinanggap ko ang tugon mo,
sa lakas mong itinulong ay lumakas agad ako.
Dakila man ang Poong D’yos, mahal din niya ang mahirap,
kumubli ma’y kita niya yaong hambog at pasikat.
Ang dahilan nito, Poon, pag-ibig mo’y di kukupas,
at ang mga sinimulang gawain mo’y magaganap.
Ikalawang Pagbasa: Roma 11:33-36
Napakasagana ng kayamanan ng Diyos! Di matarok ang kayamanan, karunungan at kaalaman ng Diyos! Hindi malirip ang kanyang mga panukala at pamamaraan! Gaya ng nasusulat:“Sapagkat sino ang nakaalam sa pag-iisip ng Panginoon, o sino ang naging tagapayo niya? Sino ang nakapagkaloob ng anuman sa Diyos para siya nama’y gantimpalaan?”
Sapagkat mula sa kanya at sa pamamagitan niya, at sa kanya ang lahat ng bagay. Sa kanya ang karangalan magpakailanman! Amen!
Mabuting Balita: Mateo 16:13-20
Noong panahong iyon, dumating si Hesus sa lupain ng Cesarea ng Filipos. Tinanong niya ang kanyang mga alagad, “Sino raw ang Anak ng Tao, ayon sa mga tao?” At sumagot sila, “Ang sabi po ng ilan ay si Juan Bautista kayo. Sabi naman ng iba, si Elias kayo. At may nagsasabi pang si Jeremias kayo o isa sa mga propeta.”
“Kayo naman, ano ang sabi ninyo? Sino ako?” tanong niya sa kanila. Sumagot si Simon Pedro, “Kayo po ang Kristo, ang Anak ng Diyos na buhay.”
Sinabi sa kanya ni Hesus, “Mapalad ka, Simon na anak ni Jonas! Sapagkat ang katotohanang ito’y hindi inihayag sa iyo ng sinumang tao kundi ng aking Amang nasa langit. At sinasabi ko naman sa iyo, ikaw ay Pedro, at sa ibabaw ng batong ito ay itatayo ko ang aking simbahan, at hindi makapananaig sa kanya kahit ang kapangyarihan ng kamatayan. Ibibigay ko sa iyo ang mga susi ng kaharian ng langit: ang ipagbawal mo sa lupa ay ipagbabawal sa langit, at ang ipahintulot mo sa lupa ay ipahihintulot sa langit.”
At mahigpit niyang tinagubilinan ang kanyang mga alagad na huwag sabihin kaninuman na siya ang Kristo.
Gospel Reflection
Idalangin Natin Ang Simbahan
Klasikong paghahambing:
Sa Ebanghelyo natin ngayong linggo, ipinapaalala sa ating tayo'y bahagi ng isang simbahan. Isang Simbahang-taong itinatag ni Hesus at itinagubilin kay San Pedro at sa mga apostol. Ang mga apostol, na katulad din nating mga mahihina at mga makasalanan, ang naging pasimula ng ating pananampalataya. Sabi nga, hindi sila qualified pero ginawa silang karapat-dapat ng Diyos.
Madalas kong marinig ang opinyong hindi natin kailangan ng simbahan upang tayo'y magkamit ng kaligtasan. Mali ang isiping ito dahil walang mananampalatayang hindi mangangailangan ng iba. Nobody is an island. Bagkus, ang pananampalataya ay higit na lumalalim sa pamamagitan ng pakikisalamuha natin sa ating mga kapwa-Katoliko.
Tulad tayo ng isang uling na dapat nakadikit sa mga kapwa uling upang manatiling nagbabaga. Para tayong isang pirasong tingting na limitado ang magagawa kung tayo'y nag-iisa. Kailangan nating maging bahagi ng isang kabuuan upang maging epektibo tayong mga lingkod.
Nariyan ang ating simbahan upang tulungan tayong hanapin ang kabanalang nasa kalooban na natin dahil si Hesus ay nananahan sa ating mga puso. Kailangan lamang nating buksan ang ating mga sarili upang tanggapin Siya.
Idalangin natin ang ating simbahang patuloy na sinusubok. Maging matatag nawa tayo sa pagharap sa mga spiritual challenges. Idalangin din po natin ang mga pinuno ng Simbahang-Katolika, lalo na ang ating Santo Papa, si Pope Francis, na kahalili ni San Pedro sa ating panahon. Bigyan nawa siya ng lakas ng katawan, ng kaluluwa at ng espiritu upang maipagpatuloy niya ang kanyang paglilingkod.
Tayo'y bahagi ng simbahan, ng iisang katawang si Hesus ang ulo. Huwag tayong makuntentong maging mga saksi at mga observer lamang. Matuto tayong makilahok at makialam. Idalangin nating sa tulong ng simbahan, magawa nating ibigin ang Diyos at ang ating kapwa bilang pagsunod sa kalooban ng Diyos.
Panalangin:
Lubhang mahabaging Diyos, patuloy Ka naming sinasamba at minamahal.
Pinasasalamatan po naming niloob Ninyong maging bahagi kami ng Iyong Simbahan. Salamat po sa pagkakataong makabahagi kami sa kaluwalhatian ng kaharian ng aming Panginoong HesuKristo.
Sa linggo pong ito, idinadalangin po namin ang aming Santo Papa, kahalili ni San Pedro at kinatawan ni Hesus sa mundo. Bigyan N'yo pa po Siya ng kinakailangan lakas ng katawan at kalusugan upang patuloy niyang magawa ang kanyang tungkulin sa aming simbahan.
Idinadalangin din po namin ang lahat ng mga Obispo at ang kapariang nagsisilbing mga pastol ng mga sambayanang Katoliko.
Gawin Mo po kaming karapat-dapat sa iyong pag-ibig at sa buhay na walang hanggan.
Sa pangalan ni Hesus, isang Simbahan po kaming lumalapit sa Iyong awa, sa panalangin ng aming inang si Maria at sa paggabay ng Espiritu Santo. Amen.
Kapag ang isang nagbabagang uling ay inihiwalay mo sa mga kasama nitong uling, mawawalan ito ng ningas at baga.
Eto pa ang isa:
Hindi magagamit pangwalis ang isang pirasong tingting libang itali ito kasama ng maraming piraso ng tingting.
Sa Ebanghelyo natin ngayong linggo, ipinapaalala sa ating tayo'y bahagi ng isang simbahan. Isang Simbahang-taong itinatag ni Hesus at itinagubilin kay San Pedro at sa mga apostol. Ang mga apostol, na katulad din nating mga mahihina at mga makasalanan, ang naging pasimula ng ating pananampalataya. Sabi nga, hindi sila qualified pero ginawa silang karapat-dapat ng Diyos.
Madalas kong marinig ang opinyong hindi natin kailangan ng simbahan upang tayo'y magkamit ng kaligtasan. Mali ang isiping ito dahil walang mananampalatayang hindi mangangailangan ng iba. Nobody is an island. Bagkus, ang pananampalataya ay higit na lumalalim sa pamamagitan ng pakikisalamuha natin sa ating mga kapwa-Katoliko.
Tulad tayo ng isang uling na dapat nakadikit sa mga kapwa uling upang manatiling nagbabaga. Para tayong isang pirasong tingting na limitado ang magagawa kung tayo'y nag-iisa. Kailangan nating maging bahagi ng isang kabuuan upang maging epektibo tayong mga lingkod.
Nariyan ang ating simbahan upang tulungan tayong hanapin ang kabanalang nasa kalooban na natin dahil si Hesus ay nananahan sa ating mga puso. Kailangan lamang nating buksan ang ating mga sarili upang tanggapin Siya.
Idalangin natin ang ating simbahang patuloy na sinusubok. Maging matatag nawa tayo sa pagharap sa mga spiritual challenges. Idalangin din po natin ang mga pinuno ng Simbahang-Katolika, lalo na ang ating Santo Papa, si Pope Francis, na kahalili ni San Pedro sa ating panahon. Bigyan nawa siya ng lakas ng katawan, ng kaluluwa at ng espiritu upang maipagpatuloy niya ang kanyang paglilingkod.
Tayo'y bahagi ng simbahan, ng iisang katawang si Hesus ang ulo. Huwag tayong makuntentong maging mga saksi at mga observer lamang. Matuto tayong makilahok at makialam. Idalangin nating sa tulong ng simbahan, magawa nating ibigin ang Diyos at ang ating kapwa bilang pagsunod sa kalooban ng Diyos.
Panalangin:
Lubhang mahabaging Diyos, patuloy Ka naming sinasamba at minamahal.
Pinasasalamatan po naming niloob Ninyong maging bahagi kami ng Iyong Simbahan. Salamat po sa pagkakataong makabahagi kami sa kaluwalhatian ng kaharian ng aming Panginoong HesuKristo.
Sa linggo pong ito, idinadalangin po namin ang aming Santo Papa, kahalili ni San Pedro at kinatawan ni Hesus sa mundo. Bigyan N'yo pa po Siya ng kinakailangan lakas ng katawan at kalusugan upang patuloy niyang magawa ang kanyang tungkulin sa aming simbahan.
Idinadalangin din po namin ang lahat ng mga Obispo at ang kapariang nagsisilbing mga pastol ng mga sambayanang Katoliko.
Gawin Mo po kaming karapat-dapat sa iyong pag-ibig at sa buhay na walang hanggan.
Sa pangalan ni Hesus, isang Simbahan po kaming lumalapit sa Iyong awa, sa panalangin ng aming inang si Maria at sa paggabay ng Espiritu Santo. Amen.